Manuel Anxo Cendán Dopico:
Nas mobilizacións estudantís de finais dos oitenta ocupei postos de responsabilidade tanto na Coordinadora de Estudantes de Ferrol, como máis tarde na Comisión Negociadora do Sindicato de Estudantes de Galicia.
Incorporeime ás filas socialistas, na Agrupación Local de Ferrol, coa integración colectiva dos ex militantes do Partido dos Traballadores, presidido por Santiago Carrillo, aínda que xa previamente participei no Comité de Campaña Comarcal do PSOE para as eleccións municipais de maio de1991.
Fun vogal da executiva galega das Xuventudes Socialistas (XSG), sendo reelixido no congreso galego de 1992, como secretario de dinamización. Así mesmo, fun secretario executivo na área de organización da Agrupación Comarcal do PSdeG – PSOE de Ferrol entre 1991 até 1993. Participei nos Comités de Apoio a Josep Borrell nas primarias socialistas de 1998.
Desde o 2008 formo parte da Rede “Más Ciudadanía”, da Organización Sectorial do Movemento Cidadán do PSOE. Dende o 4 de marzo de 2006 até o 27 de xullo de 2008, fun membro do Comité Comarcal do PSOE de Ferrolterra.
Formo parte do Consello de Redacción da revista “Razón Socialista” dende a súa fundación en 1995, cuxo primeiro número saíu á rúa aquel 1º de Maio. Actualmente son o seu Redactor – Xefe.
En 1999, participei na fundación da Asociación Cultural Fuco Buxán, da que fun o seu secretario até marzo de 2006, e dende aquela son o seu coordinador de movementos sociais. No 2008 participei no Foro Social Galego.
Fun un dos fundadores do Comité Cidadán de Emerxencia para a Ría de Ferrol. Outros compromisos sociais fixeron que deixara de participar nas súas estruturas, mais sigo a colaborar na loita social a prol da planta de gas fóra da ría de Ferrol.
Colaboro con artigos periódicos no Diario de Ferrol, desde a súa fundación, tamén en 1999. Publiquei o meu primeiro artigo en Vieiros o 25 de xullo de 2007. Desde o 2009 colaboro con Socialdemocracia.org
Traballador siderúrxico. Secretario de Organización de MCA-UGT Megasa, desde o 27 de setembro de 2007.
No ano 2007 fun entrevistado para o documental de Eblogtv, titulado “Galicia”; así mesmo, participei na co realización da curtametraxe “Ferrol, polo mar e a vida”, traballo conxunto entre Fuco Buxán e Acsur – Las Segovias.
Tamén podes acceder desde http://manuelcendan.com, e o meu correo é mcendan@gmail.com
Esta é a foto orixinal, pincha aquí.
A Bitácora do Nordés, ten casa nova en wordpress dende o 23 de xaneiro de 2007, aquí tes os meus blogs antigos:
Bitácora do Nordés (Xullo 2005 – Decembro 2006), en Bitácoras.com
El Candil (Marzo 2006 – Decembro 2006, en español).
